У 2021 годзе зафіксаваны рэкордны прырост колькасці рэзідэнтаў Кітайска-беларускага індустрыяльнага парка "Вялікі камень". Аб гэтым заявіў журналістам Першы Намеснік Прэм'ер-міністра Мікалай Снапкоў.

"У 2021 годзе, хоць гэта і санкцыйны, і посткавідны год, у нас фактычна адбыўся рэкордны прырост рэзідэнтаў - 21 рэзідэнт зарэгістраваўся ў парку. Сёння іх 85, з іх 43 - з Кітайскай Народнай Рэспублікі з агульным аб'ёмам інвестыцый $1,2 млрд. Нягледзячы на ўсе складанасці сусветнага парадку дня і знешніх агрэсіўных уплываў на нашу краіну, мы бачым, што актыўныя ўзаемаадносіны з Кітаем ажыццяўляюцца. Гэтак будзе і ў будучым", - падкрэсліў Мікалай Снапкоў.

Ён расказаў, што прадаўжаецца супрацоўніцтва беларускіх прадпрыемстваў з буйнымі кітайскімі карпарацыямі і ў якасці прыкладу згадаў МАЗ-Weichai, рэалізуюцца сумесныя праекты па вытворчасці аўтакампанентаў, электронікі. Акрамя таго, у парку "Вялікі камень" будзе актыўна развівацца супрацоўніцтва ў галіне фармацэўтыкі, у прыватнасці, па лініі традыцыйнай кітайскай медыцыны і па вытворчасці вакцыны ад COVID-19.

Фота: БелТА