Ігар Петрышэнка: Эканамсавет СНД падтрымаў ініцыятыву Беларусі па выпрацоўцы мер для падтрымання ўстойлівасці эканомік |
|
|
Краіны СНД падтрымалі ініцыятыву Беларусі аб неабходнасці выпрацаваць меры па процідзеянні заходнім санкцыям і падтрыманні ўстойлівага развіцця эканомік краін Садружнасці. Аб гэтым паведаміў журналістам віцэ-прэм'ер Беларусі Ігар Петрышэнка па выніках праведзенага сёння ў Маскве пасяджэння Эканамічнага савета СНД. "Члены Эканамсавета СНД падтрымалі прапанову беларускага боку: у рамках Выканкама СНД разам з урадамі дзяржаў Садружнасці будзе створана адпаведная група па маніторынгу існуючай сітуацыі і выпрацоўцы мер для забеспячэння ўстойлівасці эканомік краін СНД", - сказаў Ігар Петрышэнка. Ён адзначыў, што існуючая сітуацыя ў свеце падштурхоўвае краіны СНД больш актыўна абараняць свае інтарэсы. "Рэальная сённяшняя абстаноўка падштурхнула ўсіх членаў Эканамсавета СНД да больш актыўнага выказвання пазіцый бакоў, унясення прапаноў", - падкрэсліў віцэ-прэм'ер. Фота: БелТА |
|
|
Надрукавана з сайта government.by Адрас публікацыі http://government.by/be/content/10208 |
надрукаваць |