Бел | Рус | Eng PDA
навіна

ад 16.03.2018

Рабочая паездка ў Ганцавіцкі раён Брэсцкай вобласці

Мясцовыя ўлады павінны ўдзяляць больш увагі развіццю бізнесу ў рэгіёнах. Аб гэтым заявіў Прэм'ер-міністр Андрэй Кабякоў у час рабочай паездкі ў Ганцавіцкі раён Брэсцкай вобласці.

Кіраўніку Урада далажылі аб сацыяльна-эканамічным развіцці Ганцавіцкага раёна, перспектывах малога і сярэдняга бізнесу, стварэнні новых працоўных месцаў. За 2017 год у раёне створана 10 мікра- і малых арганізацый. Андрэй Кабякоў пацікавіўся, як мясцовыя органы ўлады ўзаемадзейнічаюць з новымі прадпрыемствамі, якую падтрымку аказваюць ім, ці наладжана канструктыўная работа з банкамі. "Калі ў раёне за мінулы год створана ўсяго 10 прадпрыемстваў, то кожнае з іх старшыня райвыканкама павінен ведаць: чым яны займаюцца, якія ў іх планы, ці ёсць праблемы, каб улады аказалі разумную падтрымку. Бо ад гэтага залежыць непасрэдна стварэнне новых рабочых месцаў", - адзначыў ён.

Напрыклад, у раёне ствараюцца транспартныя кампаніі. На першапачатковым этапе яны плануюць займацца грузаперавозкамі, але ў далейшым маглі б арганізаваць і пасажырскія перавозкі. Пры гэтым для дзяржаўных і прыватных перавозчыкаў павінны быць справядлівыя ўмовы. "Нельга, каб адзін сабраў усе вяршкі, а нерэнтабельнае і стратнае дасталася іншаму. Павінен быць разумны баланс. Трэба дапамагаць стварыць аднолькавыя ўмовы для канкурэнцыі, каб у рэшце рэшт выйгралі спажыўцы", - лічыць Андрэй Кабякоў.

У час рабочай паездкі абмяркоўвалася развіццё сацыяльнай інфраструктуры ў Ганцавіцкім раёне. Мясцовыя ўлады агучылі прапанову па будаўніцтве спартыўнага комплексу. Кіраўнік Урада пагадзіўся, што раёну не хапае сучаснага цэнтра для заняткаў спортам, і даручыў прапрацаваць гэта пытанне з Брэсцкім аблвыканкамам, прадумаць крыніцы фінансавання.

Андрэй Кабякоў наведаў сёння ў Ганцавіцкім раёне ААТ "Завод Модуль", Ганцавіцкі завод буйнапанэльнага домабудавання, навукова-эксперыментальную базу "Журавінка" Цэнтральнага батанічнага саду НАН, ферму ААТ "Любашава", цэнтральную раённую бальніцу і станцыю пералівання крыві, якая па аб'ёмах перапрацоўкі плазмы крыві займае другое месца ў краіне пасля Мінска. Закуплена ультрафільтрацыйная касетная сістэма "РэШсоп", што дае магчымасць адысці ад прымянення ў вытворчасці энергаёмістай ліяфільнай сушкі і атрымліваць прэпараты крыві метадам ультрафільтрацыі (упершыню ў Беларусі).

Прэм'ер-міністр па выніках наведвання Ганцавіцкай ЦРБ даў даручэнні па ўдасканаленні арганізацыі медыцынскай дапамогі насельніцтву.


Фотаздымкі