Дачнікі з ільготных катэгорый будуць плаціць за электрычнасць па асобным субсідзіруемым тарыфе. Адпаведную пастанову падпісаў Прэм'ер-міністр Беларусі Аляксандр Турчын.
Дакументам устанаўліваецца парадак аплаты электрычнай энергіі асобнымі катэгорыямі плацельшчыкаў жыллёва-камунальных паслуг (абанентамі), якія пражываюць у садовых доміках і дачах, электраўстаноўкі якіх непасрэдна падключаны да электрычных сетак энергазабеспячальных арганізацый, што ўваходзяць у склад ДВА "Белэнерга".
Непрацуючыя пенсіянеры, грамадзяне, якія маюць права на льготы па аплаце паслуг электразабеспячэння, інваліды III групы, зарэгістраваныя па месцы знаходжання ў садовых доміках, на дачах, змогуць аплачваць электраэнергію па асобным субсідзіруемым тарыфе (0,12 рубля за 1 кВт/гадз) пры адначасовым выкананні шэрага ўмоў. У іх ліку - наяўнасць тэхпашпарта на садовы домік, дачу, рэгістрацыя па месцы знаходжання ў садовым доміку, на дачы, адсутнасць у садовым доміку, на дачы сістэмы цэнтралізаванага цепла- і газазабеспячэння, наяўнасць стацыянарнай электрычнай пліты (варачнай панэлі).