Урад адобрыў праект міжнароднай тэхнічнай дапамогі "Павышэнне якасці і даступнасці медыцынскай дапамогі насельніцтву, якое пражывае на тэрыторыях, што пацярпелі ад аварыі на Чарнобыльскай АЭС". Адпаведную пастанову Савета Міністраў падпісаў Прэм'ер-міністр Беларусі Аляксандр Турчын.
Праект фінансуецца Урадам Кітайскай Народнай Рэспублікі ў аб'ёме $2 млн. Адміністрацыйнае кіраванне праектам будзе забяспечана Праграмай развіцця ААН у Рэспубліцы Беларусь.
У рамках праекта плануецца пастаўка абсталявання і вырабаў медыцынскага прызначэння для міжраённага цэнтра спецыялізаванай і высокатэхналагічнай медыцынскай дапамогі, створанага на базе УАЗ "Мазырская цэнтральная гарадская паліклініка", а таксама правядзенне мерапрыемстваў па павышэнні ўзроўню інфармаванасці насельніцтва па пытаннях умацавання здароўя.