Урадам павялічана фінансавая падтрымка дзяцей-сірот. Адпаведную пастанову падпісаў Прэм'ер-міністр Беларусі Аляксандр Турчын.
Дакумент падрыхтаваны ў мэтах паляпшэння ўмоў дзяржаўнага забеспячэння дзяцей-сірот, дзяцей, якія засталіся без апекі бацькоў. Акрамя таго, актуалізаваны грашовыя нормы расходаў на харчаванне навучэнцаў ва ўстановах адукацыі.
У прыватнасці, пастановай прадугледжваецца павелічэнне ў дзяржаўных установах грашовых норм расходаў на харчаванне дзяцей-сірот на 15 працэнтаў, а таксама на 5 працэнтаў - на забеспячэнне іх адзеннем, абуткам, мяккім інвентаром, вучэбнымі прыладамі, прадметамі першай неабходнасці і асабістай гігіены. Акрамя таго, у сямейных формах уладкавання павялічацца на 10 працэнтаў штомесячныя грашовыя выплаты на харчаванне, забеспячэнне адзеннем, абуткам, мяккім інвентаром і абсталяваннем, вучэбнымі прыладамі, прадметамі асабістай гігіены, іншымі прадметамі першай неабходнасці, на асабістыя расходы, на 5 працэнтаў - памер аднаразовай грашовай выплаты на першапачатковае набыццё мяккага інвентара і абсталявання для дзяцей ва ўзросце 0-3 гадоў і на 22 працэнты - на пакрыццё расходаў на плату за карыстанне тэлефонам, бытавымі паслугамі.
Прадугледжана таксама адпаведнае павелічэнне памераў кампенсацыі абавязанымі бацькамі сродкаў, затрачаных дзяржавай на ўтрыманне дзяцей, якія знаходзяцца на дзяржаўным забеспячэнні.
Акрамя таго, у ліку норм пастановы - уключэнне ў склад дзяржаўнага забеспячэння дзяцей-сірот лекавых сродкаў і медыцынскіх вырабаў, павелічэнне грашовых норм расходаў на харчаванне навучэнцаў ва ўстановах адукацыі на 5 працэнтаў.