Урад змяніў механізм ільготнага спажывецкага крэдытавання "На родныя тавары". Адпаведную пастанову падпісаў Прэм’ер-міністр Беларусі Аляксандр Турчын.
Пастановай Савета Міністраў ад 25 сакавіка 2026 года №139 "Аб змяненні пастановы Савета Міністраў Рэспублікі Беларусь ад 29 снежня 2023 г. №992" уводзіцца патрабаванне па наяўнасці сертыфікатаў прадукцыі ўласнай вытворчасці ў вытворцаў, зацікаўленых у рэалізацыі тавараў у рамках ільготнай крэдытнай лініі "На родныя тавары". Такія сертыфікаты выдаюцца арганізацыямі БелГПП.
Для ўдзелу ў крэдытаванні захоўваецца дзеючы пералік тавараў (35 таварных груп). Пры гэтым канкрэтны пералік іх вытворцаў не прадугледжваецца.
Таксама прадастаўляецца магчымасць ільготнага крэдытавання паслуг па санаторна-курортным лячэнні, якія аказваюцца санаторна-курортнымі арганізацыямі, што знаходзяцца на тэрыторыі Беларусі.