Намеснік Прэм'ер-міністра Беларусі Наталля Петкевіч правяла сустрэчу са спецыяльным прадстаўніком Прэзідэнта Расійскай Федэрацыі па міжнародным культурным супрацоўніцтве Міхаілам Швыдкім.
Абмеркаваны актуальныя пытанні двухбаковага культурна-гуманітарнага супрацоўніцтва (у тым ліку ў святле будучых юбілейных дат дзеячаў культуры і мастацтва), узаемнага ўдзелу ў міжнародных мерапрыемствах адпаведнай накіраванасці, іншыя праекты культурнага супрацоўніцтва Беларусі і Расіі на сярэднетэрміновую перспектыву.
Міхаіл Швыдкой прыбыў у Беларусь для ўдзелу ў мерапрыемствах XXXIII Мінскай міжнароднай кніжнай выстаўкі-кірмашу.
